مش عايز ازعل مى كيدز منى

عدد المساهمات : 153 تاريخ التسجيل : 19/09/2009

ازيكم يا جماعه عاملين ايه
يارب تكونوا كلكم بخير دايما
المهم نخش باءه في الموضوع
كالعاده في حاجه كده طرات على راسي وحبيت الك معاكم فيها
طبعا كلنا بتيجي لحظه كده وبنضايق من البيت
او بنضايق من حاجه بابا او ماما بتعملها معانا
ممكن موقف او كلام بس ده مش معناه انهم مش بيحبونا
لا هما خايفين علينا بس بطريقه تخلينا احنا نزعل
ساعتها احنا بنقول جوا نفسنا طبعا لان محدش يسجر يتكلم
هما مش فاهمنى
صح ولا انا غلطان

المهم انا باءه فكرت اجمع الحاجات دي عشان احنا ميجيش يوم وولادنا يقولوا
هما مش فاهمينا
يعني نشوف الحاجات اللي بتزعلنا ومنعملهاش كده يعني
انتو اكيد فاهمين قصدي ايه
يللا باءه مستني ردودكم
سلام
مش عايز ازعل مى كيدز منى 678678

عدد المساهمات : 153 تاريخ التسجيل : 19/09/2009

انا باءه هابدا
الحاجه اللي بتزعلني في البيت
ان لما يكون باباب زعلان مثلا انه بيقلب عالبيت كله
يعني ممكن في حاجه لو حصلت وهو مبسوط يبقى عادي لكن لو حصلت وهو مش مبسوط او مزاجه وحش
تبقى مش عادي ودي حاجه بتزعلني اوي

لسه في حاجات تانيه بس المره الجايه باءه
مش كله مره واحده كده

طب اسمحلى اقولك حاجه مش احباط
لكن تفكيرى السخصى

انت دلوقتى هتحاول تجمع الحاجات اوك
بس برده مش هتعرف تتلافى زعل ولادك الا بحاله واحده
انك تقرب منهم وتفهمهم وتفهم طريقه تفكيرهم

عشان تعرف تتعامل معاهم

اديك مثال
لو اتنين فى شغل
طبعا بياخدوا نفس المرتب

بتلاقى واحد فرحان اوى من المرتب بيقول ده حلو وكويس يكفى الحمد لله
لانه بيبوص لحاجات معينه

وبتلاقى التانى مثلا
بيقول دول مش مكفيين ولازم اشوف شغلانه تانيه و و و و و
لانه بيفكر اكيد بطريقه تانيه

فأنت لازم تعرف طريقه تفكيرهم وتتعامل معاهم وتقرب منهم
لكن لو انت ثبت تفكيرك
ان هما مثلا محتاجين كذا وكذ وكذا بس عشان انا واصحابى والناس اللى اعرفهم كانوا بيزعلوا من كده
اعتقد انك برده هتزعلهم

ايه رأيك فى الكلام الشرس ده

وابح ارسل سلامى للخت ام ذكى
وسمعنى احلى سلام وتحيه للمعلم اللى قاعد هناك ده
المعلم اللى وراه لا
الى قدامه برده لا

تسلم ياحوده علي الموضوع ... الموضوع ياسمسم اني متضايق من حاجه بتحصل في البيت اعرف هيا ايه عشان لما اكبر ملعملهاش فيه شويه حاجات كده ثوابت مابتتغيرش خالص... يعني مثلا زي مامحمود قال لما يكون والده زعلان من حاجه بيقلب عالبيت كله ... انا شايف ان دي حاجه مش كويسه... طب اللي في البيت ذنبهم ايه.... معاك انهم لازم يكونو مقدرين زعله وده اللي بيحصل .... وفيه حاجات فعلا محتاج اني اكون قريب من ولادي عشان افهم فكرهم ازاي

" ولا وكبرتوا ياولاد وبقيتو تتكلموا مع ولادكم "........ههههههههههههههههههه

انا بقي هاقولكم بس لما ارجع بقي من المدينه

سلام ياقطاقيط

عدد المساهمات : 153 تاريخ التسجيل : 19/09/2009

same7 كتب:: طب اسمحلى اقولك حاجه مش احباط................
لا بجد مش احباط خالص

بس انا قصدي زي مامحمود قالك كده في حاجات ثوابت يعني هاتزعلك وهاتزعلني
وهاتزعل اي حد كومان ع رايك
زي مثلا ما قلت انا ف الاول انه لما يبقى مضايق بيقلب عالبيت كله
او حاجه تانيه
لما يبقى انت مثلا عملت غلطه معينه وبابا او ماما زعقلك عشانها وخلاص المشكله اتحلت
وتتفاجا تاني بعد شويه انه جاي يكلمك في نفس المشكله تاني
مع ان خلاص الموضوع انتهى
وبعدين انت لو كتبت الحاجات اللي بضايقك وانا كتبت اللي بيضايقني وكل حد قال اللي بيضايقه
حتى لو مكنتش مشتركه
فده هيبقى احسن
تقدر تقول كده هيبقى عندك (باك جراوند)عن حاجات كتير بضايق ولادك ومش هاتعماها كلها
يعني برده انت المستفيد
بس سلاموز باءه ع رايك برده

نايس يا حودا

بجد هي بتكون مشكلة جامدة جدا وبالذات زي ما إنت قلت كدا حكاية الزعل دي
وعلي فكرة شكلها منتشرة عند الأغلبية بس والله بيكون برضة غصب عنه يعني
مينفعش برضة يزعل من حاجة وتلاقيه بيتكلم ويضحك إحنا شيفينها سهلة وبنزعل
منها بس مش بنفكر في الزعل بسبب إيه يارب أكون قدرت اوصل اللي أنا بتكلم
فيه في النقطة دي.

وكمان بشكل عام يعني ومن حكايات اللي حواليا معايا كلمة عدم تحمل
المسئولية يعني مثلا لما إنت تكون كويس أهو ووالله متحمل مسئولية نفسك
كويس وعارف عليك إيه وليك إيه وفي أقل مشكلة تيجي تبص إنت مش متحمل
مسئولية حاجة
ده بقي بيأثر في النفسية كتير أوووووي وكمان يكون الأب أو الأم زعلانين
ويكتفوا بالصمت وعدم الكلام وميقولوش هما زعلانين من إيه ويسيبوا الموضوع
يطول كدا بجد بتكون حاجة مؤلمة جدا

دي بعض المشاكل بوجهة عام ومعظمها بتحصل في البيوت مفيش بيت بيخلي من المشاكل

وجاري التعديل عشان البيبيهات الجاية طبعا

ميرسي يا حودا علي البحث الجاري ده

عدد المساهمات : 153 تاريخ التسجيل : 19/09/2009

شكرا يا كريستاله على مرورك
ومنتظرين بقيق ردودك عشان نكمل البحث زي مانتى قلتى

شكرا مره تانيه