حوار صريح جدا

حواااااااااار صريح جدا جدا هو دى فكرة موضوعى بس اتمنى ان تلقى قبولكم طول عمرى كنت بفكر واسال نفسى كتير كبنت بقول دايما ازاى الولاد بتفكر ولو ولد هقول ازاى البنات بتفكر هنا هتتسال اسئله بلتناوب سؤال مرة من بنت والتالى من ولد مش شرط فى النطاق دا بس لكن فى اى حاجه بس غالبا هيبقى كل طرف عايز يعرف معلومه من الطرف التانى واتمنى اننا نفيد بعض ومش كده وبس دا حصريا مع شيكو كمان ممكن نسال هتعمل ايه فى المواقف التالية زى الفرنساوى والعنجليزى كده
لو الموضوع لاقى قبول بس الصراحه مطلووووووووووووووووبه دا سؤالى الاول للولاد حاجه خفيفة وربنا يستر عليا


تعمل ايه يامان لو وقعت فى موقف صعب وعليك الاختيار من بين اتنين واحده المفروض كانت هى الحب القديم واللى لما راحت منك فقدت الامل وتعبت والتانية صديقه وقفت جنبك ساعدتك بدون مقابل وغصب عنها حبتك تعمل ايه لو ظهر القديم من جديد ؟؟مين هتختار ؟

شكرا ياشيكو علي التوبيك .... ولي عوده

same7 كتب:

chocolata كتب:

تعمل ايه يامان لو وقعت فى موقف صعب وعليك الاختيار من بين اتنين واحده المفروض كانت هى الحب القديم واللى لما راحت منك فقدت الامل وتعبت والتانية صديقه وقفت جنبك ساعدتك بدون مقابل وغصب عنها حبتك تعمل ايه لو ظهر القديم من جديد ؟؟مين هتختار ؟

اولا التوبيك جامد وموافق عليه
مع شرط الصراحه زى ما قولتى

ثانيا وده الاهم
السؤال جامد اوى فعلا

اعتقد ان ده هيفرق من شخص لشخص

لكن لو حصلى الموقف ده

حبيت وراح منى بسبب الظروف وكونا متفقين وكل حاجه
يبقى مش هحاول اقرب من حد تانى ولا اخليه يتوقع منى حاجه
وهعيش حياتى بقى عادى شغل وبس
ومش هتفرق معايا اى حاجه
طالما لسه بحبه ومسابنيش بمزاجه
هستحمل لامته الله اعلم

لكن لو كان بمزاجه
يبقى هنساه
وهدور على حد تانى بس مش علطول يعنى
لازم فتره هدنه

وبعدين ارجع ادور واشوف

وهعتبر اللى حصل فى الاول ذكرى تقوينى مش توقفنى

شكل التوبيك هيسخن من اولها
بس احلى حاجه ان مننا فى بعضينا مفيش بقى شيل الموضوع ده والشات والحوارات بتاعت منتدى الكليه


سؤالى بقى للبنات

ايه اللى البنت بتحتاجه فى الولد عشان تتمسك بيه ؟
او
ايه اللى بتلاقيه فى الولد عشان تقول هوه ده ؟
و
ايه ألاتها فى التفضيل بين الاولاد؟

ميرسى يامحمود على مرورك ومنتظرة اجابتك ومنورنى يابروفيسور سامح بجد سعيدة ان الموضوع لاقى تفاعل وحماس منك وبشكرك على اجابتك لكن انا ليا تعديل بسيط لو اعتبرنا ان الظروف اللى فرقت دى كانت لمصلحه الحب القديم مثلا انت كطالب متقدرش ترتبط بيها وهى بيتقدم لها ناس كتير ساعتها انت اساسا اللى بايدك هتقول مينفعش اوقف حياتها بسببى ساعتها اكيد لو اتخطبت انت هتتعامل مع الامر على انه واقع واكيد مش شرط بعده بس ممكن مع الوقت تقرب من انسانه تانيه من غير ماتلمح لحاجهبس على الاقل ساعتها هتكون جاهز انك ترتبط فعلا ايه الحل ساعتها بقى لو ظهر القديم اتفسخت خطوبتها مثلا؟


اما بالنسبه لسؤالك فانا عن نفسى اول حاجه بحتاجها فى الولد انى احس انه راجل بالمعنى الاصلى لكلمه الرجوله فى تعامله مع الناس مع الينات سواء كانت بنت كويسه او بنت وقحه المهم ازاى هيكون مهذب لابعد الحدود ومن غير ميجى على كرامته ولا رجولته كمان فى مظهره مش شرط يكون لابس بدله عشان يكون وقور لكن كمان مش لازم يسقط البنطلون ويعمل حاجات غريبه فى شعره او سلاسل عشان يكون روش وموضه لا وسط فيه لبس مناسب للعمل وفيه لبس مناسب للترفيه والحياة العامه غير كده مؤدب متدين الى حد ميوصلش للتذمت عقله متفتح برده مش للدرجه انه يسمح بكل حاجه اقدر اتناقش معاه ميجبرش حد على حاجه الا اذا اقنعه بيها دازائد انه متواضع يعرف يتعامل مع كل الطبقات والاجمل ان وشه يكون بشوش كريم فى خلقه وفى حبه وفى ايده بس مش لدرجه الاسراف الاهم بقى انه يحبنى ودى حاجه تكاد تكون مستحيلة لانى لو حبيته لازم يعرف انه بجد مش هيمثلى مجرد زوج او حبيب دا هيبقى عيلتى كلها عايزة احس معاه بكده لدرجه انى اقول انا مش هقدر اتخيل حياتى من غير الانسان دا احبه خجول فى التعبير عن حبه ادام الناس جرىء ادامى انا مرح وطيب افتكر انا طالبه المستحيل بس كمان مشكله البنات انها لازم باستمرار تغذى عاطفتها مينفعش تحبها بالكلام وبس لازم تكون كده فعلا كل لحظه وافعالك تقول اكتر من كلامك لانك فعلا لو فى انسانه حست انها فعلا جواك ومش شرط عن حب ممكن الموضوع يبدا بارتياح وبعد كده ربنا حين يريد يجمع ويقرب بين القلوب صدقنى على قد مابتكره على قد ما بتحب اكتر واكبر دليل انك ممكن تلاقى بنت مجروحه من ولد وبرغم كده ممكن لما تشوفه لوهله بسيطة تشعر بحب تانى ليه رغم انه صاحب الجرح المؤلم جواها سميه ذل انا معاك بس دا لانها حبت ووثقت مبحبش الولد اللى يعمل اى حاجه وخلاص عشان بنت وبعد كده لما وصلها خلاص وكمان بكره الشخص السطحى اللى بيوزن الجمال ككل بجمال الشكل وبس رغم خجلى الشديد الا انى بدعى ربنا دائما انى لو ارتبطت لو محسش انى لسه شايفه رجل تانى غير اللى مرتبطه بيه واكيد هو هيبقى فيه عيوب لكن فى حاجات بنقبلها طالما بيحترمنى بيفهمنى مش محتاجه اقول اعمل كذا او المفروض كنت تقول كذا لا هو بيبقى عارف وكمان الثقة فيا وفى اخلاقى واياه والشك انا بكرهه موووووووووووووت وكفايه بس انه يقبل بيا دا امه وعيلته كلها هتبقى داعيه عليه اصل انا مجنوووووونة

chocolata كتب:

تعمل ايه يامان لو وقعت فى موقف صعب وعليك الاختيار من بين اتنين واحده المفروض كانت هى الحب القديم واللى لما راحت منك فقدت الامل وتعبت والتانية صديقه وقفت جنبك ساعدتك بدون مقابل وغصب عنها حبتك تعمل ايه لو ظهر القديم من جديد ؟؟مين هتختار ؟

عـــــــــــــــــــــــــــــــــــــدنـــــــــا من جديد

عاوز اتكلم بالعقل شويه ..... قلتي في مشاركه ان الانسانه اللي حبيتها دي الظروف مثلا اللي فرقتنا هي ظروف الدراسه وان انا طالب لسه ومش بشتغل ومش هاقدر اني ارتبط بيها ....... يبقي انا أخطات من الاول اني ربطت نفسي بيها والمفروض اني بفكر كويس قبل اي حاجه معاكي ان الواحد لما بيحب بيلغي تفكيره بعقله خالص بس ده في الاخر نهايته معروفه وادينا افترقنا وممك نكون سببنا لبعض جراح.. يعي هي راحت ارتبط بحد تاني اكيد لو كانت بتحبني بجد هاتتعب شويه علي ماتنساني وبكده اكون سببتلها مشكله في حياتها .

بس الموقف دلوقتي اني حبيت واحده تانيه وهي كمان حبيتني وفجاة ظهرت اللي كنت بحبها زماااااااان الموقف صعب والاختيار اصعب بس في الغالب اني مش هارجع تاني لان الانسانه اللي حبيتها تاني مالهاش ذنب انها حبيتني ويبقي حراااااام اوووي اني اسيبها وزي ماقلتي انها وقفت جنبي في حاجات كتير وساعدتني كتير ..... وطاما اني حبيتها لازم انسي الاولي تقديرا لمشاعر اللي بيحبها ويكون كل اهتمامي بيها ومافكرش فيها تاني لاني لو ماعملتش كده يبقي بظلم اللي بحبها .
بس فيه حل تاني وحل انما ايه ......الخلاصه




ارتب بالاتنين وخلاص ........ .ههههههههههههههههههههههههههههههه

سلامي ياشيكو ....... والسؤال بقي لما ارجع من الكليه عشان اتاخرت ولو عندك سؤال اسدحيه هنا ......

ا الف شكر يامحمود ويااوشا على مروركم بما ان الدور على البنات تسال لان سامح كان سال سؤال واناجاوبت عليه لان لغايه دلوقتى انا البنت الوحيدة فالدور عليا اسال الولاد:

فى السن دا ازاى بيبدا شعورك ناحيه زميلة ليك فى دفعتك او اصغر هل لازم يبقى فيه كلام ولا ممكن يبدا من عندك كولد من مجرد شوفانها المستمر ومراقبتها وتصرفاتها وهكذا ولا ازاى امتى تحس انك معجب الى حدا ما بواحده رغم انك مكلمتهاش ازاى بيبدا الموضوع دا وانت هتتصرف ازاى هتتكلم وتصارح ولا هتخبى بس هتفضل حابب تشوفها من بعيد؟ يلا سؤال خفيف اهه يارجاللللللللللله بس جاوبوا بجد وبصراحه وربنا يستر عليااااااااا [color=red][/color]

same7 كتب:

chocolata كتب:

ا
فى السن دا ازاى بيبدا شعورك ناحيه زميلة ليك فى دفعتك او اصغر هل لازم يبقى فيه كلام ولا ممكن يبدا من عندك كولد من مجرد شوفانها المستمر ومراقبتها وتصرفاتها وهكذا ولا ازاى امتى تحس انك معجب الى حدا ما بواحده رغم انك مكلمتهاش ازاى بيبدا الموضوع دا وانت هتتصرف ازاى هتتكلم وتصارح ولا هتخبى بس هتفضل حابب تشوفها من بعيد؟ يلا سؤال خفيف اهه يارجاللللللللللله بس جاوبوا بجد وبصراحه وربنا يستر عليااااااااا [color=red][/color]

والله مش شرط يكون فى كلام
ممكن اشوفها مره
او يحصل موقف اتشدلها فيه
واتابعها شويه

ولو حصل
طبعا لازم اتكلم
عشان اعرف
ان هيه بتبوصلى من اى جهه
وهيه بتبادلنى نفس الشعور
ولا عادى
حتى عشان موهمش نفسى واتصدم بعد كده
يبقى لازم اقولها من الاول

بس مش علطول طبعا
لازم احاول ابينلها الاول باى حاجه
لو معايا فى الدفعه هتبقى فى طرق كتير
لو مش معايا فى الدفعه
هتصرف برده

نسأل ونقول
!!!!!!!!!!!
تقريبا نفس السؤال
لو البنت حبت حد واعجبت بيه
ممكن تعمل ايه
او ايه طرقها
عشان تبينله ده؟
ويا ترى ممكن تكلمه؟

ا اااااااااااااااااااااااه مكنتش متوقعه الضربه دى منك ياسامح بس بشكرك على اجابتك غالبا البنت بتبقى متقيدة يعنى هى متقدرش تقول للولد انها معجبة بيه اكيد وكمان لو حاولت تبين تخاف منه اولا لانها متعرفش هو هيفسرها ازاى وكمان من اصحابه وخصوصا القريبين لان دول بتبقى عيونهم تقريبا زى الصقر بيشوفا اللى بيحصل حواليه بالتالى مفتكرش انها هتبين اوى بس البنت غالبا بتكتفى بانها تعرف عنه حاجات كتير من خلال دردشه مع بنات تانيه كلام عام من غير ماتبين حاجه للتانيه برده كمان تحب انها تشوفه ادامها او تقعد ادامه اقصى حاجه ممكن بنت تعملها انها تحاول تبان ادامه فترة كل مالوقت يسمح على اساس انه ممكن يلتفت ليها لتصرفاتها لاسلوبها فى التعامل ويمكن تحصل صدفه ويتكلموا او هى ممكن تطلب منه طلب بس بصراحه الواحد عاد بيكره حاجه زى دى لان مع الاسف بتتفسر ان البنت مغرمه بالشخص دا ومش شرط كل ما بنت تطلب من ولد حاجه تبقى كده دى الوسيلة الوحيدة للكلام وغالبا لو واحده معجبه بحد افتكر اكتر وسيله ممكن يتكلموا من خلالها من رايى وتكون مضمونه يعنى محدش يقول فى حاجه انهم يكون مشتركين فى نفس النشاط وطبيعى بيشتغلوا مع بعض

سؤالى للشباب مين فيكم قبل مرحله الجامعه تقريبا نقدر نقول انه حب بجد مش لازم حب بس نقول اعجاب قوى جدا اثر فى حياته لما انتهى ؟

same7 كتب:

chocolata كتب:

ا وكمان لو حاولت تبين تخاف منه اولا لانها متعرفش هو هيفسرها ازاى

هيه اعجبت بيه ومش عارفه من تصرفاته وشخصيته اللى وضحتلها ان كان هيفسر رد فعلها ازاى
اومال اعجبت بيه ليه

[size=18]سؤالى للشباب مين فيكم قبل مرحله الجامعه تقريبا نقدر نقول انه حب بجد مش لازم حب بس نقول اعجاب قوى جدا اثر فى حياته لما انتهى ؟

ارفع ايدى
واقول
مش انا

هى اعجبت بيه لكنها متعرفوش عن قرب بما فيه الكفايه عشان تقول انه لو عرف حاجه زى دى هيتغر ولا هيستهين بيها ماهو فى الاخر ولد ومش لازم تثق فيه وخاصه ان كانت بتشعر بشىء نحوه بالعكس بتخاف وتحرص منه اكتر وكمان من نفسها اعجابها بيه ممكن يبقى شكلا فى الاول بعدها تبدا تعرف عنه من سلوكه هل هو لامؤاخذه واحد فاشل ولا انسان محترم مؤدب ولا على قدر ماتقدر نسأل بقى

ايه المفتاح
او المعامله
اللى الحبيبه او الزوجه تحبها عشان
نقول
انها مبسوطه
او نقول امته
ان الراجل لقى المفتاح اللى خلاه يقدر يملك بيه عقل وكيان المرأه؟
والى اى مدى يصل احتياج المرأه للحنان والمعامله الطيبه

لان المفروض انى بحلم بحاجه فى الحاله دى ( الحنان والعطف والحب) لما اوصله
الطبيعى
بحلم بحاجه تانيه عشان اوصلها برده
المرأه ممكن طموحها يكون ايه بعد كده

شكلك ناويها ياسامح ولا ايه خلاص مبروك مقدما انا طبعا ماوصلتش اوى عشان اعرف مطالب زوجه لكن الى قلته بخصوص سؤالك الاول يدخل ضمن اجابتك دى من خلال خبرتى المتواضعه اللى اعرفه ان البنت تحب لعبه القط والفار وكمان الزوجه دايما متحسسهاش ان مجرد انكم اتزوجتم يبقى الحب والغراميات والرومانسيه انتهت وحتى لما بتكبروا سوا متوقفش حاجات بتعملها فى حياتك لانك بتقول دى بتاعه شباب لا الحب والعاطفه فى اى همر ملهاش سن بس طبعا فى حدود المعقول وابالذات مجتمعنا وزى ماقلت قبل كده طول مانت مشبع لعاطفه المراة عمرها مهتحس انها محتاجه تسمع كلام حلو من زوجها لانها لاقيه دا واكتر فى زوجها وساعتها المكافاه مضاعفه اضعااااااااااااااف كتيرة كمان احترمها ادامها وادام الناس ممكن يكون للمراة طموح فى العمل وافق عليه لكن بدون مايضر دا اسرتكم وكمان لما تلاقى دا بييجى على حسابك قولها فاجاها دايما ومتخليهاش شغاله فى بيتك لا حاول فى اوقات فراغك تساعدها هى بعد كده اللى هتدعييلك وبنفسها هتقولك انا اخدمك برموش عينيا ومهما تتعب طالما عارفه ان تعبها مقابله حب وحنان وااحترام وثقه وكفايه انك تشوفها جميله حتى وهى بالعصبه ومريله الغسيل الست فى وقت معين بتحب تلعب لعبه حلوة اوى مع زوجها تقريبا اسمها نتعرف من جديد زى ماتقول كده تحب تمارسوا المغامرات اللذيذة زى جوابات من مجهول ورد احمر بس طبعا مش بتقول لزوجها بس هى لو راضيه اوى عنك وبتموت فيك هتلاقيها بتغازلك وكانه معجبه من برة بوردة حمرا على مكتبك وساعات كمان دا بيكون اختبار تشوف مدى اخلاصك لانها بتبقى قلقانه وخاصه لما تكون دايما شايفه انها اقل جمالا وبتخاف عليك وتقول مسيره ممكن يشوف واحده اجمل او ارفع او اطول او شعرها مش عارفه ايه
انت متصور هواجس زى دى عند زوجه بتتعبها اد ايه عشان كده دور الزوج بيبقى كبيييييييييييير المهم انه يفهن نفسيه الزوجه وتركيبتها
كمان تحبك غيران عليها ولو انتم مخطوبين ممكن تمثل عليك تمثيليه صغيرة عشاتن تشوفك حمش وغيران عليها بس مش زيادة طبعا بس عشان اكون صادقه كله بيرجع كمان لتربيه المراة لان فيه نساء متطلبات وطلبهم بيبقى ماااااااااااااال مش حب يعنى فى نوذج كويس وتمام وفى نوع يستاهل ضرب القباقيب مسيرك يوم هتعيش الحاله دى وساعتها ابقى قولى عملتلك ايه وانا اقولك ليه (اى خدمه )

same7 كتب:

chocolata كتب:

وفى نوع يستاهل ضرب القباقيب مسيرك يوم هتعيش الحاله دى وساعتها ابقى قولى عملتلك ايه وانا اقولك ليه (اى خدمه )[/size]

مسيرى اجرب
ليه بس
انتى هتوصيها عليا ولا ايه
لا سيبيهالى وانا هظبطها

د

متخفش مش هوصيها عليك ولا حاجه هى اكيد ان شاء الله مش هتحتاج توصيه بس همتك انت بس قصدى لو احترت معاها فى حاجه بس احنا فى الخدمه

نووووووو انا بشارك علي طول بس انت اللي مش واخد بالك

ان شاء الله ياشيكو بس بده نسيتي السؤال

سؤالي للبنات بقى لما تيجي الواحدة فيكم تختار اللي تحبه هل بتبص اهم حاجة لدرجة الجمال ولا لطباعة واخلاقة ولا الاتنين ولا مش حاجة في دول خالص
مش الكل وهو بيختار بيختار بنفس المعايير بس اكيبد اهم حاجه الاخلاق والطباع
وبييجى بعدها بقى ان كان ممكن يحسسها بالامان واللا لا لان اكتر حاجه البنات بتحتاجها انها تحس ان فيه حد بيحميها وواقف جنبها علطول
لان ده من طبيعة المراه مخلوق ضعيف يحتاج لمن يحميه او بالاحرى يحتاج للى يخليه يحس انه ضعيف
سؤالى للولاد بقى ياترى شعورك وموقفك هيكون ايه لو بنت رفضت اعجابك بيها ؟ولما بتشوفها ياترى هيكون احساسك ايه؟

امته البنت تكره الولد اللى قدامها ؟
لما يحرجها قدام اى حد
ايه اللى يخليها متقتنعش بيه؟
ممكن شخصيته او طريقته فى التعامل مع الناس اللى حواليه[/color
ايه اللى اكتر حاجه تشدها ليه ؟
[color=darkred]طيبته وحنانه ونظرة عنيه وانه يقدر المواقف كويس ويعرف ان لكل حاجه وقتها الجد للجد والتهريج للتهريج
كمان انه يفرض شخصيته على اللى حواليه بس بطريقه الناس تحبها وهيه اولهم طبعا
سؤالى بقى للولاد لو عرفت ان اختك بتحب واحد وبتكلمه فى الوقت اللى انت كمان فيه بتحب برضه وبتتكلم بالساعات وبتقابلها كمان ولما واجهتها قالتلك ما انت كمان بتعمل كده
هتعمل ايه فى البدايه ؟وايه هيكون رد فعلك مع اختك لما تعرف انها بتقلدك فى كده؟