سمسم منورنا علي الكرسي...

بسم الله الرحمن الرحيم
السلام عليكم ورحمة الله وبركاته

اليوم ازف اليكم البيان التالي ....بعد المفاوضات والصراعات التي دامت لمدة زادت عن الاسبوع بين اطراف النزاع تم الاتفاق بالاجماع علي جلوس

المدعو " سامح " والشهير ب " سمسم " علي كرسي الاعتراف وذلك للادلاء باقواله فيما يخص حياته الشخصيه واللا شخصيه من خلال الاسئله

التي يتم توجيهها اليه من قبل لجنة " الايجيبتاوين " وقد قام المدعو سمسم بالقسم علي الرد علي جميع الاسئله بوضوح وصراحه وبلا لف ودوران.

والان اترككم مع ضحية الكرسي

هههههههه هوووووووو هييييييييي هااااااااااااااااااا

سمسم منورنا علي الكرسي... Sleep

مش عاوز كده

يلا بقي سلامــــــــــــــــــــــات

اهلا بيك ياسمسم منور الكرسي

حبيت اكون حد يستجوبك

1. بطاقتك الشخصيه بسرعه اسمك وينك وعنوانك وبتشتغل ايه؟

2.اوصفلي سامح في سطر ؟

3.راضي عن نفسك وواثق في نفسك ولا لسه شويه ؟

4. مين مثلك الاعلي وعاوز تبقي زيه؟

5.ناوي علي ايه في الكليه السنه دي ؟

6.ايه اكتر حاجه تتضايقك في الشخص اللي قدامك؟

7. عملت حاجه وندمت عليها ولا لأ ولو فيه ايه هي الحاجه دي وندمت عليها ليه ؟

8.بتحب تعمل اهي في وقت فراغك غير البلاي ستيشن ؟

9.تتوقع هانصعد كاس العالم ولا لأ؟؟

10. قول نكته نضحك عليها كلنا ؟؟؟

كفايه كده بقي واسيب فرصه لباقي افراد اللجنه

سامح باشا على الكورسى ..اتارى الكورسى منور انا عندى شوية اسئلة كدة صغيرين
هل انتة مغرور؟ ولو حد فاهم كدة وواخد فكرة غلط عنك هتصلحهالوا ازاى؟؟
سمسم حب قبل كدة او بيحب دلقوتى ؟ولو هيا سمعاك هتقولها اية ؟
لو سئلتك تحط نسبة للحب فى حياتك هتديلوا كام فى المية؟
بباك ومامتك وقفوا جنبك فى مواقف مش هتقدر تنسهالهم؟
اية اكتر حاجة عجباك فى الكلية؟ واية اكتر حاجة مش عجباك؟
شخص معجب بية جدا وواخدة قدوتك العليا؟؟؟؟ونفسك تكون زية؟وبلاش تقول الرسول عشان دة قدوتنا كلنا بس عمرنا ما هنبقى زية..
اية مواصفات البنت اللى انتة ممن تتجوزها؟ وهل فعلا اول حاجة بدور عليها الجمال؟
اوصف سامح فى اربع كلمات فقط؟؟؟؟
واسيبك بئة عشان باقى الناس يرحبوا بيك على الكرسى

Ma7moud كتب:: اهلا بيك ياسمسم منور الكرسي
ده نورك يا حوده
حبيت اكون حد يستجوبك
مستعجل على ايه
1. بطاقتك الشخصيه بسرعه اسمك وينك وعنوانك وبتشتغل ايه؟
اسمى : سامح محمد عبد الهادى محمد جعفر
عنوانى : المنصوره عزبه الشال وعشان متقولش فين هيه بين الاستاد ومصر للطيران
وظيفتى : بيقلوا طالب

2.اوصفلي سامح في سطر ؟
بتهيألى صعب
لانى مش هعرف اقولك من اهى جهه
لكن اقدر اقول
انسان عادى
بيحب يشوف كل حاجه حلوه
شايف البساطه واحترام الناس ليه بعد رضاء والديه كل حاجه
خيالى
يحب الوحده
3.راضي عن نفسك وواثق في نفسك ولا لسه شويه ؟
عن نفسى مع الناس
الحمد لله حلوه وجميله وهما اللى شايفينها حلوه
لكن نفسى مع نفسى
فيها حاجه واحده عايزه تتظبط وان شاء الله يبقى كله تومام
وبحاول اظبطها
وبدأت تقل كتير

وحكايه لسه فهتفضل موجوده طول ما انا عايش
لان لو رضيت يبقى انا ميت
4. مين مثلك الاعلي وعاوز تبقي زيه؟
مثلى الاعلى
اى حد ناجح
كان نفسى اكون مكان
دكتور مجدى يعقوب
اودكتور مصطفى السيد
او زى احمد زويل
او فاروق الباز
اوالبرادعى
مثلى الاعلى احلامى
مثلى الاعلى ارضاء بابا وماما ثم الناس
عشان انال رضا ربنا عنى

5.ناوي علي ايه في الكليه السنه دي ؟
النيه موجوده
بس اللى عملته لحد دلوقتى ميديش بشاير عن النيه
ده بالنسبه للدراسه
ناوى اعمل حاجه حلوه فى الاسره بتاعتنا ونفسى اسمها يبقى معروف على اخر السنه دى

6.ايه اكتر حاجه تتضايقك في الشخص اللي قدامك؟
انه ميقدرش الموقف اللى هوه فيه
وانه يتدخل فى حاجه مش من حقه
ويكون حشرى
7. عملت حاجه وندمت عليها ولا لأ ولو فيه ايه هي الحاجه دي وندمت عليها ليه ؟
اكيد اه
مش لازم تعرف لان مفيش حد يعرفها غير ربنا ثم ماما وانا
ندمت عليها لان اكيد مكنتش احب اعملها
8.بتحب تعمل اهي في وقت فراغك غير البلاي ستيشن ؟
مين اللى قالك على البلاى ستيشن ده الاول
المهم
بقضى معظم وقتى نت
بقعد ارتب الاوضه
انظم حاجتى
انظف فى البيت
بقعد اصلح اى حاجه
ممكن افك الجهاز انظفه واعدل فيه
اشغل فيلم او مسلسل على الجهاز واتفرج عليه
مبحبش التليفزيون غير فى الماتشات بس وبعض البرامج
عشان كده مبقعدش قدامه كتير
9.تتوقع هانصعد كاس العالم ولا لأ؟؟
اه عندى امل كبير
لدرجه انى خايف لا يحصل العكس
زى بدايه التصفيات
كان قدامنا صوره غانا 2008
وحصل العكس
10. قول نكته نضحك عليها كلنا ؟؟؟
ايه الزنقه دى
مش فاكر يا عم الحاج
كفايه كده بقي واسيب فرصه لباقي افراد اللجنه
هوه لسه فى تانى
ربنا يستر

انت نورت يا ميسو مستعجل على ايه

misoo كتب:: سامح باشا على الكورسى ..اتارى الكورسى منور انا عندى شوية اسئلة كدة صغيرين
ده نورك
بس براحه عليا
هل انتة مغرور؟ ولو حد فاهم كدة وواخد فكرة غلط عنك هتصلحهالوا ازاى؟؟
ايه البدايه دى

اولا انا مش شايف ده
وان تقديى ما خانيش
محدش من اللى اتعاملوا معايا شايف ده فيا

بس طالما سألت السؤال يبقى انت شايف كده
او حد قالك انه شايف كده
واكيد عرفت السبب او الموقف اللى حطنى فى الصوره دى وخلاك او خلاه ياخد الفكره دى عنى
احب اعرفه
هنا برده
عشان توضح الصوره للناس اللى شايفه عكس كده
بدم ما يفضلوا مخدوعين فيا وفاكرينى مش مغرور

اصلحاله لما اشوف الموقف اللى هوه شافنى فه كده الاول
بس بجد اتمنى ترد عليا هنا وتقول ليه سألت السؤال ده
لان اكيد عندك سبب
ومتقوليش عادى
سمسم حب قبل كدة او بيحب دلقوتى ؟ولو هيا سمعاك هتقولها اية ؟
كان بيحاول قبل كده انه يحب
لكن عرفت بعد كده ان
ده غلط
لان الحب مش محاوله
بمزاجك تجربها
بس حاليا ساعات بحس انى بحب وساعات بحس انى عادى
لان الحب لازم يكون بين طرفين مش من طرف واحد
لو سئلتك تحط نسبة للحب فى حياتك هتديلوا كام فى المية؟
قصدك حب ايه

حبى للناس

اعتقد انى بحبهم جدا تقدر تقول
100% وبجد مش هزار
طالما مفيش اى حاجه بينا والمعامله واضحه مفيش فيها حاجه مستخبيه
يبقى خلاص
وانا بتعامل مع اى حد وبديله كل حاجه طالما مظهرش حاجه تمنع ده

اما لو تقصد نسبه وجود الحب فى حياتى واعترافى بيه
اعتقد برده 100%
وليه لا
مفيش مانع انه يكون بالنسبه دى
ده رأيى وممكن تختلفوا معايا فيه
بباك ومامتك وقفوا جنبك فى مواقف مش هتقدر تنسهالهم؟
اكيد وقفوا معايا فى مواقف انتهت
يمكن لو كنت لواحدى ايامها كان طباعى اتغيرت
وحاليا هما معايا علطول
وتقدر تقول عارفين عنى كل حاجه
اية اكتر حاجة عجباك فى الكلية؟ واية اكتر حاجة مش عجباك؟
بحب فيها الدراسه والحاجات اللى الدكاتره بتحاول تعلمهالنا فى الحياه قبل الدراسه
والحاجات اللى لو فعلا لو دققت فى الدراسه بتاعتك هتتعلمها وهتضيف لشخصيتك كتير
انا مبتكلمش عن العلم
بتكلم عن الصفات والطباع الحلوه اللى تتضاف ليك
منها حاجات موجوده فيا
ومنها حاجات اتعلمتها

مش عاجبنى
برده التصرفات بتاعت بعض الافراد او بعض الدكاتره
الظلم اللى بيحصل فى بعض المواد

شخص معجب بية جدا وواخدة قدوتك العليا؟؟؟؟ونفسك تكون زية؟وبلاش تقول الرسول عشان دة قدوتنا كلنا بس عمرنا ما هنبقى زية..
عاجبنى بابا جدا
فى احترامه للناس ووالديه
عاجبنى د\ مجدى يعقوب
جدا
فى علمه واعتزازه بمصريته
عاجبنى الشيخ محمد حسان
فى تدينه
عاجبنى الرئيس
فى سياسته وهدوءه وحسن تصرفه
مش فى السياسه الداخليه احنا مبنشوفش منها حاجه
لكن فى سياسته الخارجيه اثرها واضح
ده بالاضافه
لاجابتى فى سؤال محمود فوق
اية مواصفات البنت اللى انتة ممن تتجوزها؟ وهل فعلا اول حاجة بدور عليها الجمال؟
تكون عايزه تعيش
مبتحبش المشاكل
تقدر المواقف
تكون اجتماعيه
اساسى متدينه
تكون بتحبنى وعندها رغبه فى اسعادى
واكيد لازم يكون عندى ده

عمرى ما بصيت للجمال
لانه مبيدومش
الجمال ممكن يروح فى اى وقت
ساعتها انفصل عنها بقى ولا ايه
اوصف سامح فى اربع كلمات فقط؟؟؟؟
يحب الهدوء والوحده والخضره ومنظر البحر والسماء والاطفال
يحلم كثيرا ويحقق قليلا
اجتماعى بدرجه كبيره
يحظى بحب من يتعامل معه لانه يسعى دائما لكسب تلك الصفه منهم
معندوش حاجه اسمها اسرار
يحب الخير لمن حوله
يعطى دون انتظار المقابل
بيفكر كتير اوى وفى كل حاجه وبحدود غير معقوله تقدر تقول مبيريحش نفسه
دايما شاغل باله بكل حاجه
عنيد احيانا
خجول نسبيا
يحاول الوصول للمثاليه فى حياته ويحلم بها
لا يقف عند شئ فى حياته كثيرا
ليس له غالى فى الدنيا الا والديه
اى لا يتأثر باى شئ او يغير اى شئ فى حياته الا لرغبتهما
ان ضاع منه شئ يحزن قليلا وسرعان ما يفرح ثانيا
لا يحب الزعل مطلقا
يشغل باله بكل ما يحيطه ولا يتدخل الا فيما يعنيه

كفايه كده
انا عديت الاربع كلمات
واسيبك بئة عشان باقى الناس يرحبوا بيك على الكرسى

بعد ايه
انا هنجت
بس لازم ترد على حته مغرور دى بجد
لانى اول مره اسمعها
واصحابى القريبين منى اوى حتى لما كلمونى عن عيوبى
مقالوش دى خالص

عدد المساهمات : 130 تاريخ التسجيل : 29/09/2009

اولا منور الكرسى يابروفيسور ثانيا ربنا يقدرنى وارد لك ولو جزء صغير من جمايلك عليا اللللى مغرقااااااااااااانى
1)عندك كام اخ وكام اخت؟
2)ايه رايك فى موضوع الصداقه بين ولد او بنت هلى هى ممكنه بكل احترام طبعا ام غالبا مش بتفضل صداقه على طول لان القرب احيانا بيخليها تقلب حب سواء من طرف واحد فقط او متبادل وفى الحاله الاخيرة افتكر ايجابيه ام انت ترفض التعامل تماما اللى فى الدراسه والعمل والانشطه وبس ؟
3)لو انت جاتلك فرصه عمل هايله فى بلد عربى او اجنبى لكن شرط حصولك على الجنسيه واقامه شبه دائمه ليك هناك مع مستوى مادى احسن ومركز افضل هل هتسيب بلدك زخاصه انك بقيت عاف كل المشاكل اللى فيها من ازمه اسعاؤر لبطاله وغيره وغيره ولا ايه؟
4)ايه رايك فى موضوع النقاب اللى اثير مؤخرا والسؤال اللى بيطرح نفسه هل فعلا النقاب لابد من منعه لانه اصبح مصدر شك بجانب انه سترة كامله الاانه كمان ابح مصدر تخفى للكثير من اشكال الاجرام؟

عدد المساهمات : 130 تاريخ التسجيل : 29/09/2009

نستكمل الحلقه السابقه من برنامج انتقااااااااااام شيكوووووووووووو
5)بفرض انك لاجل متزوج وبتحب زوجتك وهى رومانسيه وجريئه هتجاريها وهتبتكر انت كمان يعنى اللى يخطر على بالك هتعمله زى مثلا طقت فى دماغك تعملوا مجانين وتمشوا او تجروا قى الشارع او تحت المطر او مثلا تعملوا عشاء صغنون على ضوء شموع فى مركب او اى حركه من اللى اللمتزوجين بعد الجواز بيشوفا انهم كبروا عليها هل هتقول ايه الهبل دا لا بلاش فضايح ولا هتنطلق عادى طالما مش بتاذى غيرك او تخالف قانون او اداب معينه؟
6)الرجل دموعه غاااااااااااااليه موووووووووووت لانه يما بيشيل على كتافه هل فى يوم من الايام لو قربت منك انسانه جداااااااااااااااااا هل هتوافق ان دموعك تنزل ادامها لو انت حزين من امر ما او شايل حمل وبتفضفض ولا هتقول لايمكن ابدا دا ضعف تقول عليا ايه عيل ؟

chocolata كتب:: اولا منور الكرسى يابروفيسور ثانيا ربنا يقدرنى وارد لك ولو جزء صغير من جمايلك عليا اللللى مغرقااااااااااااانى
ربنا يستر عليا ومبقاش لون الشكولاته
1)عندك كام اخ وكام اخت؟
عندى اخ
وعندى اخت
2)ايه رايك فى موضوع الصداقه بين ولد او بنت هلى هى ممكنه بكل احترام طبعا ام غالبا مش بتفضل صداقه على طول لان القرب احيانا بيخليها تقلب حب سواء من طرف واحد فقط او متبادل وفى الحاله الاخيرة افتكر ايجابيه ام انت ترفض التعامل تماما اللى فى الدراسه والعمل والانشطه وبس ؟
لا الصداقه بين الولد والبنت بتبقى حلوه فعلا
بس بمفاهيم الصداقه فقط
بدون اى تخطى للحدود
بس زى ما قولتى صداقه
مشكلتها انها تقلب حب والطرف التانى ميبقاش عارف
بتبقى متعبه اكيد للطرف اللى حب لو موضحش ده للطرف التانى
3)لو انت جاتلك فرصه عمل هايله فى بلد عربى او اجنبى لكن شرط حصولك على الجنسيه واقامه شبه دائمه ليك هناك مع مستوى مادى احسن ومركز افضل هل هتسيب بلدك زخاصه انك بقيت عاف كل المشاكل اللى فيها من ازمه اسعاؤر لبطاله وغيره وغيره ولا ايه؟
انا اصلا لو جاتلى فرصه انى اسافر هسافر حتى لو مش هاخد الجنسيه برده
لكن
لو هاخد الجنسيه برده مفيش مانع
على الاقل بعد كده لو ربنا كرمنى بأطفال ميخشوش الجيش

4)ايه رايك فى موضوع النقاب اللى اثير مؤخرا والسؤال اللى بيطرح نفسه هل فعلا النقاب لابد من منعه لانه اصبح مصدر شك بجانب انه سترة كامله الاانه كمان ابح مصدر تخفى للكثير من اشكال الاجرام؟
لا طبعا ايه الهبل اللى بيتقال
والناس متلبسش النقاب ده
سيبك اهوا هبل من اللى بيحصل فى البلد
جيت على دى
والهبل اللى بيحصل على بوابه الجامعه ده طبعا هبل رسمى
ازاى اوقف بنت لابسه نقاب وادور فى شنطها وحاجتها او مجرد انى اشوف وشها
اومال هيه لابساه ليه
ان كان ولا بد يعنى وشايفينه عامل مشكله
يبقى يوقفوا امن حريمى علىالبوابه يبقى فى واحده واقفه هيه اللى تفتش وتتأكد
مش واحد يقف يتراخم ويقل ادبه ويقلب فى شنطتها
ده عبط وقله ادب والله

يلا لو حد فى امن الدوله النهارده يهاخدونى
كله بسببك يا شيكو

chocolata كتب:: نستكمل الحلقه السابقه من برنامج انتقااااااااااام شيكوووووووووووو
كملى يا اختى كملى
كله على قفايا
5)بفرض
انك لاجل متزوج وبتحب زوجتك وهى رومانسيه وجريئه هتجاريها وهتبتكر انت
كمان يعنى اللى يخطر على بالك هتعمله زى مثلا طقت فى دماغك تعملوا مجانين
وتمشوا او تجروا قى الشارع او تحت المطر او مثلا تعملوا عشاء صغنون على
ضوء شموع فى مركب او اى حركه من اللى اللمتزوجين بعد الجواز بيشوفا انهم
كبروا عليها هل هتقول ايه الهبل دا لا بلاش فضايح ولا هتنطلق عادى طالما
مش بتاذى غيرك او تخالف قانون او اداب معينه؟
نعم ايه اللى عبط
لا نعمل كده طبعا
انا بحب الطفوله والشباب
وان شاء الله افضل كده لحد اخر يوم فى عمرى
والحركات دى بتجدد الحب
سيبك من الكلام الفاضى اللى بيقول كبرنا ومينفعش
لا ينفع ونص
بوصى انا شوفت حاجه قريبه للى فى دماغى
مسلسل قصه الامس
فى بدايته طبعا بلاش اللى حصل فى النص
ده جزء من الصوره اللى راسمها فى خيالى

6)الرجل
دموعه غاااااااااااااليه موووووووووووت لانه يما بيشيل على كتافه هل فى
يوم من الايام لو قربت منك انسانه جداااااااااااااااااا هل هتوافق ان
دموعك تنزل ادامها لو انت حزين من امر ما او شايل حمل وبتفضفض ولا هتقول
لايمكن ابدا دا ضعف تقول عليا ايه عيل ؟

لالا برده
على فكره انا دموعى مش بعيده اوى يعنى
لان زى ما بتقولى قربت منى اوى
وترجمت ده غلط
اعتقد يبقى معايا شخصيا فهمتنى غلط
بس انتى عارفه بالعكس
لو قربت منك اوى فعلا
هتفرح اوى ان دموعك ظهرت قدامها
لانها عارفه ان دموع الرجل غاليه عليه
فاعتقد انها هتفرح اكتر لانى اعتبرتها مش حد غريب
ونزلت دموعى قدامها

عندك حاجه تانيه يا شكو
سمسم منورنا علي الكرسي... Icon_basketball

اهـــــــلا وســــهلاااا .......منــــور الكـــــرسى طبعـــا cheers

جاااوب بقى tongue

مين أكتر واحد من أصدقاءك بتحبه ؟؟

مين أكتر حد فى الدنيا حسيت إنه بيحيك .. غير بابا و ماما ؟؟

مين أكتر إنسان ندل اتعاملت معاه ؟؟

مين أكتر إنسان غلس اتعاملت معاه ؟؟

مين أكتر إنسان مستفز اتعاملت معاه ؟؟

مين أكتر انسان بتكرهه ؟؟ و مين أكتر واحد حسيت إنه بيكرهك ؟؟

---------------------------------------------

موقف حصل من واحد من زمايلك و زعلت منه ..

أكتر موقف مقدرتش تتصرف فيه ..

موقف حسيت فيه إنك شجاع ..

موقف حسيت فيه إنك مظلوم ..

موقف حسيت فيه بقلة الحيلة ..

موقف حسيت فيه بالشجاعة ...

موقف حسيت فيه بالذهول ..

موقف أجبر دموعك على الخروج ...

موقف اتجمدت فيه دموعك ...

موقف حسيت إنك اتعذبت فيه ..

سمسم منورنا علي الكرسي... 54

[size=16] متى يمضي الوقت دون ان تشعر به؟

سمسم منورنا علي الكرسي... 54

هل تتلقي النقد بصدر رحب ؟

سمسم منورنا علي الكرسي... 54

نقد لمن توجهه ؟

سمسم منورنا علي الكرسي... 54

هل انت ممن يقتنعون بسرعة ؟

سمسم منورنا علي الكرسي... 54

ماالذي يجعلك تنفجر غضباً ؟

سمسم منورنا علي الكرسي... 54

ماذا تعني لك النصيحة ؟

سمسم منورنا علي الكرسي... 54

هل تتقبل النصيحه من كل من حولك سواء اعضاء او زملاءاو اهل واغراب ؟

سمسم منورنا علي الكرسي... 54

اذا رايت موضوع ولم يعجبك او ازعجك هل تعبر عما يعصف بك او تسكت ؟؟

سمسم منورنا علي الكرسي... 54

ماهو شعورك عندما يطرح عليك سؤال تعجز عن الرد عليه ؟

سمسم منورنا علي الكرسي... 54

ما رأيك بفتاة اليوم....؟

سمسم منورنا علي الكرسي... 54

ماذا تعنى لك الصداقه ؟ ومين أقرب صديق لك بالحياة ؟ ومين أقرب صديق لك بالمنتدى ؟

سمسم منورنا علي الكرسي... 54

ايه الموضوع اللى عجبك هنا ع المنتدى واتمنيت تكون انت صاحبه ؟

سمسم منورنا علي الكرسي... 54

انا هقولك بعض الكلمات توجهها لحد فى المنتدى :

-إنى أحبك فى الله.
- مواضيعك ممتازة .
- انت فين وغايب عننا ليه ؟
- المنتدى وحش من غيرك .
- رأيك بيعجبنى .
- انت شخصية محبوبه جدا هنا .
- انت دمك خفيف قوى .
- انت شخصية قوية تتحمل الصعاب .
- انا وانت نشبه بعض كتيييييير .
- ليه بتعمل معايا كده ؟
- أنا اتخدعت فيك .
- مهما حصل احنا أصحاب ومش ممكن أزعل منك .

[/size]

amira كتب:: اهـــــــلا وســــهلاااا .......منــــور الكـــــرسى طبعـــا

ده نورك
جاااوب بقى
هوه بعد السلام بتعملى فى ضيوفك كده
ماشى
مين أكتر واحد من أصدقاءك بتحبه ؟؟
واحد صاحبى اسمه محمد ماجد من كليه هندسه وجارى وصاحبى من اولى اعدادى
مين أكتر حد فى الدنيا حسيت إنه بيحيك .. غير بابا و ماما ؟؟
جدى ابو مامتى الله يرحمه
مين أكتر إنسان ندل اتعاملت معاه ؟؟
واحد صاحبى من الكليه
مين أكتر إنسان غلس اتعاملت معاه ؟؟
واحد صاحبى مش من الكليه
مين أكتر إنسان مستفز اتعاملت معاه ؟؟
واحد صاحبى من الكليه ومش معانا هنا على المنتدى
مين أكتر انسان بتكرهه ؟؟ و مين أكتر واحد حسيت إنه بيكرهك ؟؟
اللى بكرهه
الغبى والطماع

واللى حسيت انه بيكرهنى

واحد جارنا لما عرف انى دخلت صيدله
بس عادى عزرته بعديها
وربنا يرحمه
عشان ميتعذبش بسببى
---------------------------------------------

موقف حصل من واحد من زمايلك و زعلت منه ..
فى حاجه بينى انا واصحابى اللى اخد حاجه من حد يرجعهاله
بس واحد صاحبى كان لو عايز حاجه ياخدها منى وانا لما اعوزها اروح اجيبها مش هوه اللى يرجعها
فاضايقت من الموقف ورديتهوله
عشان احسسه ان ده غلط لانى كلمته كذا مره قبلها قولتله كده مينفعش
ولما عملت فيه الموقف قال خلاص الغى الصحوبيه قولتله مع الفين سلامه
أكتر موقف مقدرتش تتصرف فيه ..
يوم وفاه جدى ابو مامتى
موقف حسيت فيه إنك شجاع ..
يوم كان شخص محتاج منى حاجه كانت صعب اعملها وتحديت نفسى وعملتها
موقف حسيت فيه إنك مظلوم ..
لما شوفت نتيجه اولى
واللى حصل فى الفسيولوجى
موقف حسيت فيه بقلة الحيلة ..
لا عندى القدره على الحيله

موقف حسيت فيه بالشجاعة ...
ده خلاص زى الى فات
موقف حسيت فيه بالذهول ..
يوم ما سمعت خبر وفاه جدى ابو مامتى
موقف أجبر دموعك على الخروج ...
لما بابا او ماما يفهمونى غلط ويزعلوا منى
موقف اتجمدت فيه دموعك ...
يوم وفاه جدى ابو مامتى
بجد بسأل نفسى لحد دلوقتى ليه معيطتش يوميها
رغم انى متعلق بيه جدا
موقف حسيت إنك اتعذبت فيه ..
اخر مره بابا تعب فيها

[size=16] متى يمضي الوقت دون ان تشعر به؟
حينما اكون مع اصحابى
خاصا اللى معايا فى الشارع هنا
او لما اكون مع خالتى فى البلد
او مع خوخه
هل تتلقي النقد بصدر رحب ؟
احبه كثيرا
كى اعدل من صورتى امام الناس
نقد لمن توجهه ؟
لكل من يحب الزعل او يحاول الادعاء على الناس
هل انت ممن يقتنعون بسرعة ؟
لالالالالا
مش بسرعه
انا عندى حبتين
ومبقتنعش غير لما تفصصلى الحاجه
مش قله فهم
لا بس بحب افهم التفاصيل
طالما عايز تغيرلى رأيى
ماالذي يجعلك تنفجر غضباً ؟
حينما اشعر بالظلم من اى حد
او جرح من الاقرباء
او سوء فهمهم لى
او نظر اى فرد لى بصوره مش حلوه
لانى بحاول دايما انى اكون حلو
ماذا تعني لك النصيحة ؟
تعنى الحياه
هل تتقبل النصيحه من كل من حولك سواء اعضاء او زملاءاو اهل واغراب ؟
اتقبلها من اى فرد يود نصيحتى
مهما كان
وان كان اول مره يشاهدنى مش يتعامل معايا
اذا رايت موضوع ولم يعجبك او ازعجك هل تعبر عما يعصف بك او تسكت ؟؟
غالبا احب ان اعبر عن غضبى ولا احب كتمانه
لكن غضبك قد يضرك فى امور معينه
قد يعتبرها الرؤساء خطأ
لكن فى النهايه لا احب ان اغضب كثيرا
ماهو شعورك عندما يطرح عليك سؤال تعجز عن الرد عليه ؟
اقول مش عارف ثوانى اسألك
او اسأل وانا هسألك انا كمان
ما رأيك بفتاة اليوم....؟
مقدرش احكم لمجرد سماعى كلام عن افراد
لكن بالشكل العام
اكيد بقيت اخاف من بكره
واحس ان الجيل ده ممكن يكون اخر جيل
مش عشان اكتشافات ناسا ولا حاجه
لو صدقتهم يبقى انا اهبل
لكن ساعات بحس ان الشر موجود
بقى كل واحد يهمه مصلحته
بقت الفضيله نادره
ومن يجد شخص يمتلكها كأنه وجد خاتم سليمان
بقى فى اشكال غريبه فى اللبس
واخيرا ظهرت مشكله النقاب اللى عايزين يمنعوه
نفسى اعرف رايحين على فين

ماذا تعنى لك الصداقه ؟ ومين أقرب صديق لك بالحياة ؟ ومين أقرب صديق لك بالمنتدى ؟
تعنى لى الامان
يعنى الاخ

محمد ماجد صديقى اللى قولت عليه قبل كده

دانو و شيماء
ايه الموضوع اللى عجبك هنا ع المنتدى واتمنيت تكون انت صاحبه ؟
اربع صور عاريه
انا هقولك بعض الكلمات توجهها لحد فى المنتدى :
اوكيك
-إنى أحبك فى الله.
شيماء و دانو وشيكو واميره (انتى يعنى )ومحمود وامير
لكن دول اللى بقرب منهم
وكل الاعضاء
لانى مبكرهش حد
ولو حسيت من جهه حد بكره برفضه ومبتعاملش معاه تانى
مواضيعك ممتازة .
زهره الايمان ومحمود
- انت فين وغايب عننا ليه ؟
حماده
وكل الاعضاء اللى مبيخشوش
- المنتدى وحش من غيرك .
لاعضاء الاسره اللى مشوفتهومش هنا

- رأيك بيعجبنى .
المنتدى هنا معملتش فيه مواضيع كتير
بس فى منتدى الكليه
احب اسمع رأيى قناع الذهب ويوجينا و موظفه طموحه
متقوليش كلهم بنات
بس بجد قولى مين رأيه بيبقى مفيد على المنتدى او بيشارك فى المناقشات بشكل جدى
- انت شخصية محبوبه جدا هنا
محمود وشيماء ودانو.
- انت دمك خفيف قوى .
لا اعضاء كتير
انت شخصية قوية تتحمل الصعاب .
شيماء
- انا وانت نشبه بعض كتيييييير .
شيماء ودانو ومحمود
- ليه بتعمل معايا كده ؟
بلاش فضايح بقى
- أنا اتخدعت فيك
عندليب
مش اتخدعت فيه بس ظهرت حاجات فيه معجبتنيش .
- مهما حصل احنا أصحاب ومش ممكن أزعل منك .
اى حد معانا هنا على المنتدى
بجد مش كلام
لانى مبحبش ازعل من حد
[/size]

فول عليكى يا اميره قطمتى وسطى

بس فى حاجه عايز اقولها
لاجابات اللى فيها افراد
محبش انها توجه حد عن فكره معينه عن شخص
انا ممكن اشوف حد حلو او وحش انت ممكن تشوفه العكس
لكن ده رأيى

اميره سلقتك ياسمسم .... الله يكون في عونك

خد كده كام سؤال علي السريع

كنت بتحلم بايه وانت صغير تعمله لما تكبر؟؟ وياتري حققته ولا لسه ؟؟؟

بتزعل بسرعه؟؟ وبتتصالح بسرعه ؟؟؟ ولا لأ؟؟؟

ايه اكتر حاجه ممكن تصالحك لما تزعل ؟؟؟

لو حد صاحبك غلط فيك جامد بس بعد كده جه واعتذرلك ... تقبل اعتذاره ولا لأ؟؟؟

كنت بتشترك في انشطه في المدرسه؟؟؟

مين اول حد اتعرفت عليه في الكليه ؟؟ وهل بقي من اقرب اصدقائك ؟؟؟

مين تتمني تشوفه معانا في الاسره او في المنتدي ؟؟؟

كفايه كده بقي ياسمسم

Ma7moud كتب:: اميره سلقتك ياسمسم .... الله يكون في عونك
وانت داخل تقشرنى ولا ايه
هوه مفيش بطاطسايه قصدى زبون غيرى
خد كده كام سؤال علي السريع
استر عليا يا محمود
كنت بتحلم بايه وانت صغير تعمله لما تكبر؟؟ وياتري حققته ولا لسه ؟؟؟
كان كل حلمى انا وجدى ابو ماما انى اكون ظابط
اكيد لا ما انا معاكوا اهوه
ممكن احقه بأنى اكمل بعد اما اخلص
بس مش اكيده الفكره دى
بتزعل بسرعه؟؟ وبتتصالح بسرعه ؟؟؟ ولا لأ؟؟؟
لالا مبزعلش بسرعه خالص
وبتصالح بسرعه برده
ايه اكتر حاجه ممكن تصالحك لما تزعل ؟؟؟
ان الى قدامى يحس انه زعلنى
لو حد صاحبك غلط فيك جامد بس بعد كده جه واعتذرلك ... تقبل اعتذاره ولا لأ؟؟؟
هقبل اعتذاره اكيد
انا مبحبش الزعل خالص يا مان
طب اقولك على حاجه
انا لما ابين انى زوعلان بون من جوايا مضايق حبه صغيرين وبنسى علطول
بس بفضل ابينله انى زعلان لحد اما يجى يعتذر
عشان معدش يكررها تانى
كنت بتشترك في انشطه في المدرسه؟؟؟
ههههههههههههههه
انا وصلت
ان بابا قالى ما تسيبك من الدراسه
وخليك فى الانشطه
وفى 3 اعدادى سبت الاستماره اللى بتتمضى عشان كان فى ماتش كره يد فى دوره المدارس
وكنت مشترك فى الصحافه
كنت مشترك فى فريق العاب القوه فى الثانوى واليد
كنت مشترك فى التمثيل فى ابتدائى

مين اول حد اتعرفت عليه في الكليه ؟؟ وهل بقي من اقرب اصدقائك ؟؟؟
واحد صاحبى اسمه سمير
ولحد دلوقتى مش فاكر اتعرفت عليه ازاى
وهوه اقرب واحد ليا فى اصدقاء الكليه الولاد
صاحبى فى كل حته
محمد ماجد
مين تتمني تشوفه معانا في الاسره او في المنتدي ؟؟؟
ممكن فى الاسره يوجينا

كفايه كده بقي ياسمسم
لا يا راجل انت مبتبطلش اسئله

كده ميسو وشيكو رحبوا بيا
واميره سلقتنى
ومحمود قشرنى
مين اللى هيكمل اكله البطاطس دى
قصدى الترحيب بيا

استرها عليا يارب

اقتباس :: مين اللى هيكمل اكله البطاطس دى

آآآآآآآني ..... اكلك منين يابطه ... اكلك منين يابطه

ههههههههههه

خدلك كده كمان سؤالين بس كده

مين اول حد بيجي في بالك لما بتقع في مشكله ؟؟؟

في البيت مين اكتر حد بتتكلم معاه؟؟

كفايه كده بقي ... طيب معاك اهووووو

سلاماتي ليك ياسمسم

Ma7moud كتب:: آآآآآآآني ..... اكلك منين يابطه ... اكلك منين يابطه
ههههههههههه
ليك يوم
خدلك كده كمان سؤالين بس كده
ارحمنى بقى

مين اول حد بيجي في بالك لما بتقع في مشكله ؟؟؟
ماما وخالتى ومحمد ماجد صاحبى
وعلى فكره على حسب نوع المشكله
في البيت مين اكتر حد بتتكلم معاه؟؟
ماما
كفايه كده بقي ... طيب معاك اهووووو
يا راجل
سلاماتي ليك ياسمسم
الله يسلمك

عندك حاجه تانيه ولا استكفيت خلاص
متخلي فى نفسك حاجه

حبيبي ياسمسم

خد بقي السؤاااااال ده بس اجمد

ههههههههههههههههههههههه

خلاص ياعم ماتشتمش مش سائل ....هه.

Ma7moud كتب:: حبيبي ياسمسم
هوه حد بيعمل فى حبيبه كده برده

خد بقي السؤاااااال ده بس اجمد
هههههههههههههههههههههه
خلاص ياعم ماتشتمش مش سائل ....هه.

لا اسأل
عشان خاطرى

سمسم منورنا علي الكرسي... Icon_basketball

مابلااااااااااااااااااااااش

بنقول الطيب احسن برده

Ma7moud كتب:: مابلااااااااااااااااااااااش
بنقول الطيب احسن برده

انت حر
بس كنت عايزك تخلص اللى فى نفسك
عشان
دورك اكيد هيجى فى يوم
ومش هرحمك

اقتباس :: انت حر
بس كنت عايزك تخلص اللى فى نفسك
عشان
دورك اكيد هيجى فى يوم
ومش هرحمك

Ma7moud كتب:

حقك تعمل اللى انت عاوزه دلوقتى
لكن بعد كده
سمسم منورنا علي الكرسي... Icon_basketball

هاتلعب بيا سله ولا ايه

اللي يختار مايختارنيش عشان مش هابقي هناااااااااااااااااااا

عدييييييت من الاسئله

نجيب تانى ولا كفايه كده ؟؟؟؟؟

انا بقول اجيب تااااااااانى سمسم منورنا علي الكرسي... Icon_tongue

amira كتب:: عدييييييت من الاسئله

نجيب تانى ولا كفايه كده ؟؟؟؟؟

يلا بسرعه .... فرصه ماتتعوضش .. اللي نفسه في حاجه يقولها

سؤال بسيط كده يا سمسم

بتحب الاكل كتير ؟؟؟؟
هههههههههههههه

هاتختار مين تجلسه علي الكرسي ؟؟؟

مخنووووق من مين وعاوز تعمل فيه حاجه ؟؟؟

كفايه كده بقي واسيبك للباقي .... كلووووووووووووووه

سمسم منورنا علي الكرسي... Suspect