حملة ايجبت لفرز...شاركونا ....

بسم الله الرحمن الرحيم

السلام عليكم ورحمة الله وبركاته

حملة ايجبت لفرز...شاركونا .... XC961191

شوف الفلاش ده الأول ....
http://www.qassimy.com/w7a/where_my_father.swf

من اجل ذلك تدعوكم أسرة ايجبت لفرز مشاركتها في حملتها الخيريه والتي تقوم علي محورين اساسيين :

حملة كساء طفل يتيم محتاج

اكيد
كلنا بنشوف أطفال يتامي كتير في كل مكان وكلنا بنكون عاوزين نساعدهم علي
قد مانقدر وده اللي احنا عاوزين نعمله وعاوزينكم تشاركونا فيه الاجر
والثواب .
كلها كام يوم وهانفرح كلنا بحلول عيد الاضحي المبارك أعاده
الله علينا وعليكم بالخير واليمين والبركات .... طب ايه رايكم نشارك اطفال
كتير فرحتهم بالعيد ونحاول علي قد مانقدر اننا نبسطهم ونساعدهم ونرسم
البسمه علي وجوههم .. اكيد ده احساس جميل اننا نشوف طفل يتيم مبسوط ...طب
ازاي ؟؟؟؟؟
الموضوع بسيط جدا ومش هايكلفك اي حاجه ... كلنا اكيد عندنا
ملابس مش بنلبسها ومش محتاجينها لو جمعنا الملابس دي من بعض وقدرنا نفرزها
ونطلع منها حاجه كويسه نقدمها للأطفال دول ... تفتكر هايكونوا مبسوطين
بيها؟؟؟ .... وانت كمان هاتكون مبسوط انهم مبسوطين ؟؟... أكيد طبعا
.....الموضوع سهل وبسيط ....مش كده ؟؟؟؟ .... طب يلا نبدأ سوا ونجمع كل
اللي نقدر عليه قبل العيد....قولت ايه ؟؟؟

المحور التاني : مساعدة أسر فقيره غير قادره .

الأسر
دي ببساطه مافيش ليها اي مصدر دخل ومعظمها بيكون ياإما سيدات كبار في السن
وعايشين لوحدهم ومافيش ليهم مصدر دخل يعيشوا منه ويكفي متطلبات حياتهم
اليوميه ..... وياإما أسره كبيره وزوج متوفي ومافيش حد يصرف عليهم .
وياإما الزوج عنده اعاقة وبرده مافيش مصدر دخل يعيشوا منه.... ايه رايكم في حالهم...؟؟؟!!!!.... واضح قدامنا ....

طب احنا ممكن نساعدهم ازاي ؟؟؟؟
فكرنا
ان احنا نعمل لهم صندوق غذائي شهريا يتضمن بعض المواد الغذائيه اللازمة
للمعيشه وبكده نكون قدرنا نساعد الناس دي ولو بقدر بسيط ...وبرده الموضوع
بسيط جدا ... لو كل واحد مننا في كل شهر طلع من بيته كيلو أرز أو اي مواد
غذائيه اخري من اللي كلنا بنستخدمها في البيت عندنا .... هانقدر نوفرلهم
كل اللي هما محتاجينه .... بتهيألي مش صعب الموضوع ده .... صح ولا ايه ؟؟؟
عندك استعداد تشاركنا وتساعدنا اننا نساعد الناس دي ونعمل لهم اي حاجه ..؟؟
دي حملتنا ودي فكرتنا .... لوعندك اي فكره تانيه نقدر نساعدهم بيها ياريت تقولنا عليها ....
علي فكره .... الأسر اللي اتكلمت عنها دي موجوده بالفعل وشفنا حالها وده اللي خلانا نفكر نساعدهم ازاي ......

اتمني
انكم تشاركونا في الموضوع ده .... وزي ماقلتكم الموضوع بسيط جدا ومش
هايكلفك اي حاجه ...بس عند ربنا مش بسيط خاااااااااالص وثوابك عليه هايكون
باذن الله كبير بإخلاص نية هذا العمل لله وحده....

آسف للإطالة في الموضوع ولكنه يحتاج الكثير لاكماله والحديث عنه ......

وجزاكم الله كل خير

لكم أرق تحياتي وسلاماتي

فينكم يا أيجيبتاويون ....... يلا بقي عاوزين نجمع اكبر قدر من التبرعات العيد خلاص فاضل عليه اسبوع وااااااحد

يلا عاوزين همتكم معانا